Stjórn KS og félagslegt skipulag.

 

Kaupfélag Skagfirðinga er samvinnufélag og starfar skv. lögum um þau. Félagið er deildaskipt og miðast mörk deildanna að mestu við þau sveitarfélög er voru í Skagafirði fyrir árið 1998. Deildir kjósa fulltrúa á aðalfund, einn fyrir hverja 25 félagsmenn, en þó kveða samþykktir félagsins á um að það getur engin ein deild átt meirihluta fulltrúa á aðalfundi. Á aðalfundi er rætt um rekstur félagsins, reikningar þess fyrir liðið ár afgreiddir og markaðar meginlínur um framtíðarumsvif. Aðalfundur kýs síðan félaginu 7 manna stjórn, sem fer með æðsta vald í félaginu milli aðalfunda. Stjórnin skiptir sjálf með sér verkum. Stjórnarmenn eru kjörnir til þriggja ára í senn, en hún er aldrei endurkjörin öll í einu. Varamenn eru þrír.

 

Í stjórn KS sitja frá aðalfundi vorið 2006:

 

Stefán Guðmundsson, Sauðárkróki, formaður

Bjarni P. Maronsson, Ásgeirsbrekku, varaformaður

Ásta Pálmadóttir, Sauðárkróki, ritari

Árni Sigurðsson, Marbæli, meðstjórnandi

Pétur Pétursson, Sauðárkróki, meðstjórnandi

Rögnvaldur Ólafsson, Flugumýrarhvammi, meðstjórnandi

Örn Þórarinsson, Ökrum, meðstjórnandi

 

Varamenn eru:

Viggó Jónsson, Sauðárkróki

Þorleifur Hólmsteinsson, Þorleifsstöðum

Hjörtur Geirmundsson, Sauðárkróki

 

Fyrir afurðastöðvar félagsins eru ráðgefandi stjórnarnefndir, sem gera tillögur til aðalstjórnar um rekstur og starfstilhögun afurðastöðvanna. Í sláturhússráði sitja fimm manns, þrír kjörnir af aðalfundi KS, einn kjörinn af stjórn og kaupfélagsstjóri á hverjum tíma er síðan sjálfkjörinn. Í Samlagsráði sitja sömuleiðis fimm manns, þrír kjörnir á ársfundi samlagsins, sem haldinn er árlega í samvinnu við ársfund félags kúabænda í Skagafirði, einn kjörinn af stjórn KS og síðan er kaupfélagsstjóri sjálfkjörinn í ráðið.

Í Samlagsráði sitja nú:

Þórólfur Gíslason, kaupfélagsstjóri, formaður

Árni Sigurðsson, Marbæli

Þórey Helgadóttir, Tunguhálsi

Símon E. Traustason, Ketu

María Jóhannsdóttir, Kúskerpi.

Í sláturhússráði sitja nú:

Þórólfur Gíslason, kaupfélagssstjóri, formaður

Örn Þórarinsson, Ökrum, Fljótum 

Andrés H. Helgason, Tungu

Jóhann Már Jóhannsson, Keflavík

Merete Rabølle , Hrauni. 

 

Menningarsjóður KS

Á vegum KS hefur starfað í um 40 ár Menningarsjóður, sem hefur styrkt margskonar menningarstarfsemi í Skagafirði gegn um árin. Má þar nefna styrki við kóra og aðra tónlistarstarfsemi, leikfélög, íþrótta- og æskulýðsstarfsemi, styrki til listamanna og á fjörutíu ára afmæli sjóðsins ákvað stjórnin- að taka upp sérstakar viðurkenningar með fjárframlagi til einhverra þeirra verkefna, sem teljast sérstaklega markverð og þýðingarmikil fyrir menningar- og félagslíf í Skagafirði og nefnist styrkurinn Skagfirskt Framtak.

 

Í stjórn Menningarsjóðs KS eru eftirtalin:

Stefán Guðmundsson, formaður

Þórólfur Gíslason kaupfélagsstjóri 

Inga Valdís Tómasdóttir, Sauðárkróki 

Einar Gíslason, Sauðárkróki  

Efemía Björnsdóttir, Sauðárkróki.

 

Innlánsdeild KS

Kaupfélag  Skagfirðinga hefur lengi rekið öfluga innlánsdeild, sem tekur við innlánum frá viðskiptavinum og ávaxtar. Innlánsdeildin hefur jafnan verið í forystu hvað ávöxtun snertir, enda nýtur hún mikilla vinsælda og trausts meðal héraðsbúa. Nema innlán um mitt ár 2005 samtals nær átta hundruð milljónum króna,  og er því önnur stærsta innlánsstofnun í Skagafirði. Innlánsdeildin býður upp á ýmis innlánsform þar sem viðskiptavinir geta valið það fyrirkomulag, sem þeim hentar og með mislangri bindingu. Hér má geta um Samvinnubókina,  KS-bókina og VSK bækur, þar sem bændum og öðrum í atvinnurekstri gefst kostur á að geyma innkominn virðisaukaskatt þar til hann fellur í gjalddaga á góðri ávöxtun

Kaupfélag Skagfirðinga  |  Ártorgi 1  |  550 Sauðárkróki  |  s.455 4500